چنڙ، مهرالدين: تعلقي ڪنڊياري جو نامور استاد مهر الدين ولد احمد خان چنڙ، ڳوٺ سومر چنڙ، تعلقي ڪنڊياري ۾، 3 آڪٽوبر 1918ع تي پيدا ٿيو. پرائمري تعليم ڳوٺ سومر چنڙ، تعلقي ڪنڊياري مان ورتائين. سنڌي فائنل جي امتحان ۾ نمايان پوزيشن حاصل ڪيائين. 1938ع ۾ مڪتب ٺوڙها، تعلقي موري ۾ نائب ماستر مقرر ٿيو. ان بعد ڪوڙي اُڄڻ اڇي مسيت (ٺارو شاهه) مٺياڻي، نوشهري فيروز ۽ نواب شاهه ۾ به پڙهايائين. 1946-1945ع ۾ ٽريننگ ڪاليج، حيدرآباد مان تربيت وٺي 1947ع ۾ اباڻي ڳوٺ سومر چنڙ ۾ هيڊماستر ٿي آيو، جتي لاڳيتو 29 سال رهيو ۽ 3 آڪٽوبر 1976ع تي رٽائر ٿيو. مهرالدين باوقار، جفاڪش ۽ محنتي استاد ٿي گذريو آهي. کيس حسابن ۽ گرامر تي وڏي مهارت حاصل هئي. ان کان سواءِ اردو، انگريزي ۽ عربيءَ جي به ڄاڻ هئس. سندس نوڪريءَ واري عرصي ۾ ڳوٺ سومر چنڙ جي پڙهائيءَ جو بهترين رڪارڊ آهي. جتان هر سال ڪافي شاگرد اسڪالرشپ
کـڻندا هـئا. مـهـرالـديـن چـنـڙ تـقـريـر ۽ تحـريـر ۾ وڏي مهـارت رکـندو هو. هـو پرائمري ٽيچرس ايسوسيئيشن، تعلقي ڪنڊياري جو صدر ۽ پ ٽ الف سنڌ جو سيڪريٽري به چونڊيو ويو. هن ڪيتريون تعليمي ڪانفرنسون ڪوٺائي استادن ۽ تعليم جا ڪيترا مسئلا حل ڪرايا. سندس ڪوششن سان ڳوٺ سومر چنڙ ۾ پرائمري ۽ مڊل اسڪولن جون عمارتون ٺهيون. ان کان سواءِ ڳوٺ جي لاءِ پوسٽ آفيس قائم ڪرايائين. هن سڄي عمر جاکوڙ ۾ گذاري. 63 ورهين جي ڄمار ۾ 22 فبروري 1981ع تي وفات ڪيائين.
1918.10.03 عيسوي
نامور استاد مهر الدين ولد احمد خان چنڙ، ڳوٺ سومر چنڙ، تعلقي ڪنڊياري ۾، 3 آڪٽوبر 1918ع تي پيدا ٿيو.
1976.10.03 عيسوي
ٽريننگ ڪاليج، حيدرآباد مان تربيت وٺي 1947ع ۾ اباڻي ڳوٺ سومر چنڙ ۾ هيڊماستر ٿي آيو، جتي لاڳيتو 29 سال رهيو ۽ 3 آڪٽوبر 1976ع تي رٽائر ٿيو.
1981.02.22 عيسوي
هن سڄي عمر جاکوڙ ۾ گذاري. 63 ورهين جي ڄمار ۾ 22 فبروري 1981ع تي وفات ڪيائين.